Op 15 december öm 19.30 oor in d’m Bóngerd kump as aafsjloeting van ein drök vereinigingsjaor van ozze Heemkundige Krink Toine Ambaum, sjriever van ónger angere ‘t Brónsgreun Bukske Tegels (én Venloos), ós get vertèlle euver sjpraekwäörd in ‘t Tegels dialek.
Wae kènt ze nag ……. Dae luuet neet mèt zich sjörge ……… Hae is in de mössenhemel ………. Zien vrouw haet häök op de teng ………. ‘ne Korte praek en ’n lang braodwors…….
Weej belaove uch det ‘t ‘ne lieërzame en gezellige aovend geit waere, dae traditie-getrouw wuuert aafgesjlaote mèt klengere en ‘n heerlik hepke en drenkske, verzorg door Miep Reitsma en zien crew, uch aangebaoje door de Heemkundige Krink.
De jaoraafsjloeting is allein toegankelik veur lede van de Heemkundige Krink. Nog gaen lid? Schrief dich iers in via ós formulier.
Öm ‘n idee te kriege wievuuel persoeëne weej kènne verwachte, wille weej uch vraoge öm óngersjtaonde vraoge vur 9 december in te vulle.