Na afscheid te hebben genomen van Lambert Rooskens heeft het bestuur gezocht naar een “passende” secretaris. We denken deze gevonden te hebben in John Raijer die sinds kort weer terug is gekeerd naar zijn geboortegrond Tegelen. John stelt zich even zelf voor:
Gaer wil ich mich efkes veursjtelle. Miene naam is John Raijer en ich bön 36 jaor. Same mèt mien vruike (Loes) hebbe weej dreej sjatte van kinger. Anouk is vief en geit nao de St. Josephsjoeël. Stan is dreej en Maud twie. Wies mien 24e heb ich in Tegele oppe Hei (Mulgouwsingel) gewoeënd. Daonao op kamers in Amersfoort en samen gaon woeëne in Venlo-Zuid. Sunk 2013 woeën ich wir in Tegele en waal op de Bóngerdsjtraot. Veur mien werk beej Arena Consulting adviseer ich euverhede die wille samenwerke. Concreet beteikent dit det ich zörg det samenwerkingsorganisasies waere opgerich en ingerich. Dit doon ich in opdrach van gemeinte en provinsies door ‘t lank.
Toen ich zoog det de funktie van sekretaris van de Heemkundige vereiniging vakant waas, heb ich mich geïnformeerd beej Jos Wolbertus. Nao ‘n kennismakingsgesjprek heb ich aangegaeve op proof de sekretarisfunktie in te wille vulle. Ich haop mien ervaring en kennis van angere besjteursfunkties te kènne inzette veur de Heemkundige kring. Veurhaer heb ich in ‘t besjteur gezaete van de veurmalige volleybalvereiniging JSS (Steyl), volleybalvereiniging BVC Holyoke (Belvend) en de Nederlandse Volleybal Bond (NeVoBo) regio Zuid. Now bön ich penningmeister van Sjpeultuin Hagerweike in Venlo-Zuid en zit ich in de Bondsraod van de Nevobo. Ouch heb ich tieën jaor in Tegele en Sjteyl de collecte van ‘t Diabetes Fonds meuge organisere.
Mien besóngere aandach geit oet nao de ruumtelike inrichting van Tegele en Sjteyl (ouch vanoet mien sjtudie as planoloog) en de dialek liedjes. Ich haop ein beejdrage te kènne levere aan de bekendheid van de Heemkundige kring en de kommunikatie met leeje en euverige geïnteresseerde verder te verbaetere.
Ich maak gaer binnekort met uch kennis!