Op ’t ing van ’t jaor organisere weej eine gezellige en sjoeëne aovend vur ós leje en eur partners. Ouch dit jaor sjteit ós dialek wir centraal. Mèt dreej begenadigde sjpraekers in ’t regionale dialek wuuert ’t wir eine dialekaovend wie weej ‘m gaer zeen!

Truus Verbong, Ton in ‘t Zandt en Herman Bors drage inkele korte verhäölkes veur in eur eige dialek. Truus uiteraard in ’t Tegels, Ton in ’t Venloos en Herman in ’t Ruivers dialek. Zeej zien alle dreej lid van ein dialek sjrieversclub en kènne daodoor mèt eur verhaole de pareltjes van eur plaatselik dialek euver de buhne bringe.

Weej belaove uch det ‘t ‘ne lieërzame en gezellige aovend geit waere, dae traditiegetrouw wuuert aafgesjlaote mèt klengere en ‘n heerlik hepke in buffetvorm en drenkske(s), verzorgd door Riet Leenen-Gitmans en zien crew, uch aangebaoje door de Heemkundige Krink.

Öm ‘n idee te kriege wievuuel persoeëne weej kènne verwachte, wille weej uch vraoge öm uch vur 7 december aan te melde. Det kèn met óngersjtaond sjtrookje.

Leje en eur partners nimme gratis deil. Nag gaen lid? Det ken heej.

Uw naam (verplicht)

Uw email (verplicht)

Telefoonnummer

Aantal personen (leden en partner)

Opmerkingen

Let op! De bevestigingsmail kan bij ongewenste mail terecht komen.

Geef een reactie

Uw e-mailadres wordt niet gepubliceerd. Velden met een sterretje zijn vereist *

Velden wissenVerzenden