De Heem wenst iedereen fijne feestdagen en het beste voor 2018! En hoe kunnen we dat beter onderstrepen dan met een prachtig kerstgedicht van Truus Verbong.

Náat, káad en sjuverechtig

’t Waas náat, káad en sjuverechtig

Wie daen aje Jaer nao Thies wôl gaon

Hae had zelfs al vurdette van hóes aaf ging

 Ein keteer lang vur de kachel gesjtaon

Aevel, hae woort maar neet werm

Op deze nate, kaje, iërste körsdáag

Maar trok zich ziene versjlete jas aan

En zag zienen hônk gôjjendáag

Daen hônk dôch, hae geit maar!

Maar ich neet, ich blief lekker heej

’t Is mich bóete nôw ech te ozelig

Ich drei mich nag ens öm ‘ne kiër of dreej

Jaer leep op ein drefke door de sjtad

Woë ’t iéselde door de kale buim

Vannach vroor ’t det ’t kraakde

Wie hae van ‘ne witte Körs had gedruimp

De kefees ware allemaol toe

Genne mins te zeen oppe sjtraote

Jaer vông det gaar neet fijn

Hae vulde zich äortelik verlaote

Efkes later kwaam hae aan beej Thies

Dae vur de raam al op ö-m wachde

Hae makde rap de deur vur Jaer aop

En had pret-uigskes wie hae lachde

Hae had versjrikkelik zien bes gedaon

Öm vur ziene kammeraod te kaoke

Had ore lang in de keuke gesjtaon

En det had Jaer al drek geraoke

Hae rook de sjpruutjes op ’t fornuus

En superlekker Limburgs zoërvleis

Maar van die good gebraoje petetjes

Daovan heel hae nag ’t allermeis

Wie Jaer de körsboum dao zoog sjtaon

En ’t kribke met ’t kiendje Jezus d’r in

Maria en Jozef, d’n os en d’n aezel

Wis hae, det is nôw ein niej begin

Nôw ken ’t fiës pas ech beginne

Want ’t Jezuskiendje ziene wins

Is euveral vrede op dees waereld

Wermte en leefde vur iddere mins

Wie hae zich det good vur ouge heel

Waas ’t kiepevel weg op zien erm

Zeej vierde toen same zalig Körsmes

En ze kregen ’t van binne hiel werm

’t Waas richtig gezellig gewaore

En sjtiekem woort ’t bes waal laat

Wie Jaer toen sjnachs wir bóete kwaam

Man, man, wat waas ’t dao káad

Truus Verbong 2016

Geef een reactie

Uw e-mailadres wordt niet gepubliceerd. Velden met een sterretje zijn vereist *

Velden wissenVerzenden